غزل
دشپو، ورځو په نامه
راســــره کــېږي
مسلســـل یــوه دوکه
راســـره کــــېږي
دساده زړه تســـلۍ ته
خـــو پــــوره ده
که په نیمه خوله وعـــده
راسره کېږي
شته کردار دنیمه خوا مینې
مې ژوندکې
مکمـــله ډرامــــــــه
راســــره کــــېږي
که مې سـترګه رپي، رپي دې
ته لاړې
اوس به کومه حــادثه
راســـره کېږي؟
څه مـوده چې چانه پټ
ســاتم زخمونه
څــه مــــوده یې یارانه
راســـره کېږي
نن سبا راته هرڅه
تمـــاشــه ښـــکاري
نن سبا داتمـــــاشه
راســـــره کـــــېږي
نا اشـــــنا لارده تنـها
درومـم «ممتازه»
خـــامخا بـه څــــه کیسه
راسـره کېږي.
