کـــور
د شعرونو لومړۍ پاڼه
غزل چاته د سترگو کوم پيغام په آينې لگوي چې د رنجو نقطې مدام په آينې لگوي داسې څوک نشته چې خپل مخته به بدرنگ ووايي خو داسې ډېر دي چې الزام په آينې لگوي ستا گرمې گرمې ساه ته خړه خړه پاتې شوله ځواني دې تبه د سرسام په آينې لگوي څوک دي غزله چې ستا مخ له مانه پټ وساتي؟ څوک دي قدغن چې د الهام په آينې لگوي ممتازه دا به ورنه خپل ښايست خراج غوښتی وي چې تکې سرې شونډې گلفام په آينې لگوي .
ددې پاڼې د محتوياتو د مکررچاپ حقوق په بشپړه توګه خوندي دي، دهر قسم نشر او کاپي کولو څخه دې ډډه وشي ! که د "هيواد" په هکله کومه پوښتنه يا نيوکه لرئ د "هېواد" د مسئولې ډلې سره په تماس کې شئ.
